मिति २०८०/०१/२३ गते शनिबारका दिन ग्रामिण नारी उत्थान संघ  हरिपुर २ र सेभ द चिल्ड्रेनको साझेदारीमा संचालित समुन्नति परियोजना अन्तर्गत १५ जना गरिब तथा बिपन्न घर परिवारलाई जीविकोपार्जनका निम्ति हरिपुर नगरपालिका वडा १ को नाख्खा टोलमा वडा अध्यक्ष नानी बाबु थापा ज्युको आतिथ्य तथा महिला वडा सदस्यको उपस्थिमा यसै संस्थाका अध्यक्ष गोमा देवी न्यौपाने ज्युको अध्यक्षतामा बोयर जातको १/१ थान बाख्रा बितरण गरियो भने आजै इश्वरपुर नगरपालिका वडा २ को राइटरखोरमा समेत १५ जना गरिब तथा बिपन्न घर परिवारलाई स्थानीय वडा सदस्य अन्तरिया देवी पासवान ज्युको आतिथ्य तथा इश्वरपुर नगरपालिकाका पशु चिकित्सक शम्भु कुमार महतोको उपस्थितिमा संस्थाका उपाध्यक्ष बिष्णु चालिसे ज्युको अध्यक्षता बोयर जातको १/१ थान बाख्रा बितरण गरियो  |

ujyaaloabhiyan

सर्लाही । सर्लाहीको हरिपुरमा रहेको ग्रामीण नारी उत्थान संघले बाख्रा वितरण गरेको छ । शुक्रबार एक कार्यक्रमको बीच बाख्रा बितरण गरिएको संस्थाले जनाएको छ ।

यस संस्थाले सर्लाहीको ईश्वरपुर २ को १५ घर परिवारलाई बाख्रा बितरण गरेको संस्थाका उपाध्यक्ष बिष्णु चालीसेले जानकारि दिनुभयो ।आर्थिक रुपले बिपन्न र घरमा स्कुले बालबालिका भएको घर परिवारका अभिभावकको आर्थिक अवस्था मजबुत बनाउन तथा स्वास्थ आहारबिहारमा सहयोग पुगोस् भन्ने उद्धेश्यले बाख्रा वितरण गरिएको हो । संस्थाले संचालन गरिरहेको समुन्नति परियोजना अन्तर्गत जिबिकोपार्जन कार्यक्रम अन्तर्गत बोयर जातको बाख्रा वितरण गरिएको संस्थाकी फिल्ड अधिकृत अंकिता घिमिरेले जानकारी दिनु भयो । बिधार्थी भर्ना अभियान संचालनको पूर्व संध्यामा बाख्रा पाउँदा अभिभावक खुसी भएका छन् ।

यस परियोजना मार्फत मुसहर, माझीलगायतका अति बिपन्न १५ परिवारको एउटा समुह बनाएर उनीहरुलाई प्रतिपरिबार दुई बाख्रा र पुरै समुहको लागि एउटा ब्याडे बोका बितरण गरिएको सस्थाले जनाएको छ ।

बिपन्न परिवारको आर्थिक अवस्था उकास्न उनीहरुको बच्चाले समेत स्कुल जान पाउनुको साथै जिबिकोपार्जनमा समेत मद्धत पुग्ने संस्थाका कार्यकारी निर्देशक आनन्दप्रकाश धामीले बताउनुभयो । बाख्रा बितरण कार्यक्रममा ईश्वरपुर नगर उपप्रमुख रन्जिता कुमारी चौधरी समेतको उपस्थिति रहेको थियो ।

https://ehimalayatimes.com/2023/03/102525/

हरिपुर – सर्लाहीको हरिपुर नगरपालिका–२, मा रहेको ग्रामीण नारी उत्थान संघको मंगलबार ३० औँ वार्षिक साधारण सभा सम्पन्न भएको छ ।

संस्थाकी अध्यक्ष गोमादेवि न्यौपानेको अध्यक्षता तथा संविधान सभाका सदस्य रामचन्द्र चौधरीको प्रमुख आतिथ्यतामा संस्थाकै सभा हलमा साधारण सभा सम्पन्न भएको हो । सो सभामा हरिपुर नगरपालिकाका मेयर गोपाल पंजियार, उपमेयर निलमदेवी राय यादव, विभिन्न वडाका वडाध्यक्ष, हरिपुरका अगुवा, संस्थाका सदस्यलगायतको आतिथ्यता रहेको थियो ।

साधारण सभामा संस्थाले संचालन गरेका पहुँच परियोजना, समुन्नति परियोजना, सिडा परियोजनालगायत अरु परियोजनाले गरिरहेका गतिविधि र प्रगतिबारे जानकारी गराइएको संस्थाका सचिव सूर्य चालिसेले जानकारी दिए । सोही अवसरमा संस्थाले आफ्ना पाँच जना सदस्यहरु ः शान्ति थापा, राजिव चौधरी, शोभतिया कुँवर, बिन्दा थापा र हरिप्रिया काफ्ले तथा पाँच जना कर्मचारीहरु ः मदन बर्मा, दीपक भण्डारी, ममता मुर्मु, शिवनारायण ठाकुर र हेमा थापालाई प्रमाण–पत्र र दोसल्लाबाट सम्मान गरेको छ ।

साधारण सभाकै अवसरमा सेद चिड्रेनको सहयोगमा लक्ष्मीनाथ प्राथमिक विद्यालय हरिपुर–७ चितायनलाई अध्यापनका लागि ३ थान डिजिटल बोर्ड र जनता प्राथमिक विद्यालय हरिपुर–९ ढापटोललाई एक थान ल्यापटप प्रदान गरिएको छ ।

यसैबीच, साधारण सभा अन्तर्गत मंगलबार नै भएको बन्दसत्रले पुनः गोमादेवी न्यौपानेकै अध्यक्षतामा सर्वसम्मत रुपमा संस्थाको ११ सदस्यीय कार्य समिति चयन गरेको छ ।

सदस्य सुलेखा महरा बिरामी परेपछि उनको स्थानमा टिकाकुमारी चौधरीलाई चयन गरिएको छ भने त्यसबाहेक अन्य सबै पदाधिकारी र सदस्यहरु दोहोरिएका संस्थाका उपाध्यक्ष विष्णु चालिसेले बताए ।

ग्रामिण नारी उत्थान संघको २९ औँ वार्षिक साधारण सभा सम्पन्न भएको छ । संस्थाकी अध्यक्ष गोमादेवी न्यौपानेको अध्यक्षता तथा हरिपुर नगरपालिकाका नगरप्रमुख जमिरुद्धिन मन्सुरको प्रमुख आतिथ्यतामा भएको वार्षिक साधारण सभामा संस्थाको आन्तरिक कोषको बारेमा चर्चा गरिएको थियो ।

आन्तरिक कोषबाट आठ लाख नब्बे हजार पाँच सय ७९ रुपैँया र परियोजना अनुदान वापत छ करोड तेह्र लाख ४६ हजार तिन सय ६१ रुपैँया गरी जम्मा छ करोड २२ लाख ३६ हजार नौँ सय ४० रुपैँया मध्येबाट समुन्नति परियोजना अन्र्तगतका कार्यक्रमहरुमा पाँच करोड पाँच लाख ४ सय ७० रुपैँया र वियोन्ड द फिनिस लाईन अन्र्तगत एक करोड २९ लाख ६२ हजार १७ रुपैँया बराबरको खर्च भएको ग्रामिण नारी उत्थान संघले जनाएको छ ।

यसैगरी ग्रामिण नारी उत्थान संघले आगामी वर्षका लागि ६ करोड २२ लाख ८५ हजार ४ सय ९६ रुपँैया बराबरको कारोबार गर्ने उदेश्य समेत लिएको छ । साधारण सभाको अवसरमा संस्थाले आफ्ना छ जना उत्कृष्ट कर्मचारी र तिन जना साधारण सदस्यहरुलाई सम्मान गरेको छ। संस्थाले कर्मचारीहरु लेखा अधिकृत ऋषिराम चौलागाई, देवनारायण ठाकुर, चन्द्रकान्त शर्मा, भवानी कार्की, राम विश्वास चौधरी र विनिता यादव तथा सिता बराल, धर्मशिला चौधरी र बिमला ओलीलगायत शेयर सदस्यहरुलाई सम्मान गरेको संस्थाका उपाध्यक्ष विष्णु चालिसेले जानकारी दिनुभयो ।

सभामा संस्थाका सदस्य रामचन्द्र चौधरी, हरिपुर नगरपालिकाकी उपप्रमुख रेणुका काफ्ले, सेभ द चिल्ड्रेनका प्रतिनिधि, एसएनबि नेपालकी प्रतिनिधि अम्बिका यादव लगायतको उपस्थिती रहेको थियो ।

Source : Nigranitoday

हरिपुर – सर्लाहीको हरिपुरमा रहेको ग्रामीण नारी उत्थान संघको २८ औँ वार्षिक साधारण सभा आज (शनिवार) उद्घाटन गरिएको छ ।

कोरोना संक्रमणले गर्दा आधा सदस्यहरु मात्रै उपस्थित गराई साधारण सभाको उद्घाटन गरिएको संस्थाका उपाध्यक्ष विष्णु चालिसेले जानकारी दिए । आफ्नै सभा हलमा संस्थाकी अध्यक्ष गोमा न्यौपानेको अध्यक्षता एवं हरिपुर नगरपालिकाका मेयर जमिरुदिन मन्सुरको प्रमुख आतिथ्यतामा साधारण सभाको उद्घाटन गरिएको हो ।

उद्घाटन समारोहमा संविधान सभाका सदस्य रामचन्द्र चौधरी, विभिन्न वडाका जनप्रतिनिधि र अन्य सरोकारवालाहरु सहभागी भएका थिए । बाँकी शेयर सदस्यहरुलाई आइतवार सहभागी गराई सभाको समापन गरिने उपाध्यक्ष चालिसेले बताए ।

सामाजिक सेवाको क्षेत्रमा सक्रिय जिल्लाकै प्रमुख यस संस्थाले अघिल्लो आर्थिक वर्षमा ३ करोड २ लाख ५८ हजार ३ सय ९० रुपैयाँ ९४ पैँसा बराबरको कारोवार गरेको छ ।

उज्यालोअभियान संवाददाता -१७ आश्विन २०७७, शनिबार १३:५३

बयलवास – सर्लाहीको ईश्वरपुर नगरपालिका–१३, मा रहेको प्राथमिक विद्यालय बाहुन टोलमा वुधवार नमूना बाल विकास केन्द्र भवनको शिलान्यास गरिएको छ ।

समुन्नति कार्यक्रम अन्तर्गत सेभ द चिडे«नको आर्थिक सहयोगमा ग्रामीण नारी उत्थान संघ हरिपुरले निर्माण गर्न लागेको भवनको नगर प्रमुख मनोजकुमार देवकोटाले शिलान्यास गरेका हुन् । नमूना बाल विकास केन्द्र भवन निर्माणका लागि १५ लाख ९२ हजार ८४२ रुपैयाँ बजेट विनियोजन गरिएको छ।

दुई महिनाभित्रै भवन निर्माण गरेर हस्तान्तरण गर्ने लक्ष्य रहेको  छ । भवन शिलान्यास कार्यक्रममा नगर उपप्रमुख एकावती देवी चौधरी, ईश्वरपुर नगरपालिका–१३ का वडाध्यक्ष रामकरण महतो, विद्यालय व्यवस्थापन समितिका अध्यक्ष गोपाल बम्जन, विद्यालयकी प्रधानाध्यापक सखिला महतो, संस्थाका उपाध्यक्ष विष्णु चालिसे, सचिव सूर्य चालिसे, विद्यालयका शिक्षक, अभिभावक, विद्यार्थीलगायतको उपस्थिति रहेको थियो ।

संस्थाले यसअघि नेपाल राष्ट्रिय जनता मावि ईश्वरपुर–१२, नारायण प्रावि ईश्वरपुर–६, सागरनाथ मावि ईश्वरपुर–४ र जनशक्ति प्रावि ईश्वरपुर–१० मा बालबालिकाहरुलाई शैक्षिक तथा खेलकुदका सामग्रीसहित सुविधा सम्पन्न नमूना बाल विकास केन्द्र भवन निर्माण भइसकेको छ ।

Source:

उज्यालो अभियान संवाददाता

पर्सा – सर्लाहीको दक्षिण–पूर्वी भेगमा पर्ने सीमावर्ती पर्सा गाउँपालिकामा सोमवार अपाङ्गता समावेशी सहायता कक्षा उदघाटन भएको छ ।

जसबाट अपांगता भएका व्यक्तिहरुलाई पालिकास्तरबाट प्रदान गर्ने सेवामा सहज पहँुच पुग्नुका साथै छिटो छरितो हुने नेपाल अपाङ्ग सघं सर्लाहीका अध्यक्ष वीरेन्द्र रायले बताए । पर्सा गाउँपालिकाका अध्यक्ष किशुनदेव रायको अध्यक्षता तथा ग्रामीण नारी उत्थान संघ हरिपुरका उपाध्यक्ष विष्णु प्रसाद चालिसेको प्रमुख आतिथ्यता, नेपाल अपाङ्ग संघका जिल्ला अध्यक्ष विरेन्द्र रायको विशिष्ठ आतिथ्यता र एस.एन.भि. नेपालकी जिल्ला संयोजक अम्बिका यादवको आतिथ्यतामा कक्षको उदघाटन गरिएको हो ।

उक्त अपाङ्गता सहायता कक्ष संचालनका लागी पर्सा गाउँपालिकाले आवश्यक बजेट विनियोजन गरी सहज तथा छिटो छरितो तरिकाले काम गर्न सहयोग गर्ने अध्यक्ष रायले प्रतिवद्धता व्यक्त गरेका छन् । यसअघि चन्द्रनगर, रामनगर, कौडेना र पर्सा गाउँपालिकामा पनि अपाङ्गता समावेशी सहायता कक्ष उदघाटन गरी संचालनमा आएको छ ।

उक्त कक्ष निमार्ण तथा संचालन एस.एन.नि. नेपाल/ग्रामीण नारी उत्थान संघ, हरिपुरको प्राविधिक सहयोग  गरिएको छ ।

हरिपुर – “आफूँ बँचौ र अरुलाई पनि बचाँऔ”, “कोरोना विरुद्ध सामुदायिक अभियान” भन्ने नाराका साथ सर्लाहीको हरिपुर र ईश्वरपुर नगरपालिकालाई आइतवार ग्रामीण नारी उत्थान संघले स्वास्थ्य सामग्री प्रदान गरेको छ ।

कोरोना भाइरसको सङ्क्रमणलाई मध्यनजर गरी सेभ द चिड्रेनले संस्थालाई उपलब्ध गराएको स्वास्थ्य सामग्री दुईवटा पालिकालाई हस्तान्तरण गरिएको हो । दुवै पालिकालाई एक–एक थान अक्सिजन कन्सन्टे«टर, अस्पतालमा ७–७ थान बेड बनाउन पुग्ने सामग्री, २५० थान भिटिएम, र ५०५ थान ग्लोब्स प्रदान गरिएको ग्रामीण नारी उत्थान संघ हरिपुरले जनाएको छ ।

हरिपुर नगरपालिकामा संस्थाकी अध्यक्ष गोमादेवी न्यौपाने, उपाध्यक्ष विष्णु चालिसे र संस्थाका फिल्ड अफिसर बिजय कुशवाहाले मेयर जमिरुद्धिन मन्सुर, उपमेयर रेणुका काफ्ले, स्वास्थ्य शाखा संयोजक बिकाउ महतोलाई स्वास्थ्य सामग्री प्रदान गरेका हुन् । यस्तै, ईश्वरपुरमा फिल्ड अफिसर कुशवाहाले स्वास्थ्य शाखा संयोजक सुगेन्द्र महतोलाई स्वास्थ्य सामग्री प्रदान गरेका संस्थाले जनाएको छ ।

Source

http://shorturl.at/hoDL2

मलंगवा – सर्लाहीका विभिन्न आइसोलेसन सेन्टरहरुका लागि आइतवार (आज) सहयोगी सामग्री प्रदान गरिएको छ ।

कोभिड–१९ प्रतिकार्य नवीनतम प्रयासको लागि डिएफआइडी अष्टे«लिया, वाटर फर ओमेन, एसएनभी नेपालको आर्थिक सहयोग तथा ग्रामीण नारी उत्थान संघ हरिपुरको सहजीकरणमा जिल्लाका चारवटा आइसोलेसन सेन्टरहरुका लागि कन्ट्याकलेस अर्थात हातको प्रयोग नै नगरी खुट्टाले चलाउन मिल्ने सामग्री प्रदान गरिएको हो ।

सदरमुकाम मलंगवामा आइतवार एक कार्यक्रमका बीच जिल्ला कोभिड संकट व्यवस्थापन केन्द्र (डीसीसीएमसी) लाई उक्त सामग्री हस्तान्तरण गरिएको छ ।

प्रमुख जिल्ला अधिकारी रामकुमार महतोको अध्यक्षता तथा जिल्ला समन्वय समितिका प्रमुख मेथुर चौधरीको प्रमुख आतिथ्यतामा आयोजित सहयोगी सामग्री हस्तान्तरण कार्यक्रममा सहायक प्रमुख जिल्ला अधिकारी भूमिश्वर पोखरेल, प्रहरी उपरीक्षक सन्तोष सिंह राठौर, सशस्त्र प्रहरी उपरीक्षक गंगाराम श्रेष्ठ, राष्ट्रिय अनुसन्धानका जिल्ला प्रमुख दीलिप कुमार सिंह, जिल्ला जनस्वास्थ्य कार्यालयका प्रमुख डा. नवल किशोर झा र सहयोगी संघसंस्थाका प्रतिनिधिहरु सहभागी हुनुभएको  थियो ।

Source :
http://shorturl.at/wLMRS