हरिपुर – सर्लाहीको हरिपुरमा विद्यार्थी भर्ना कार्यक्रम अन्तर्गत बिहीबार सचेतनामूलक कार्यक्रम गरिएको छ ।
शिक्षा क्षेत्रमा काम गरिरहेको ग्रामीण नारी उत्थान संघ हरिपुरको अगुवाईमा हरिपुर २ का वडाध्यक्ष निलबिक्रम थापा, नगरभित्रका विभिन्न विद्यालयका प्रधानाध्यापक, संस्थाका पदाधिकारी तथा कर्मचारी, सुरक्षाकर्मी र अन्य सरोकारवालाको उपस्थितिमा चेतनामूलक ¥याली निकालिएको हो ।
अहिले विद्यालयहरुले आ–आफ्नो तर्फबाट भर्ना अभियान चलाइरहेका र संस्थाले पनि शिक्षा क्षेत्रसँग जोडिएका कार्यक्रमहरु गरिरहेकाले सबै सरोकारवालालाई सहभागी गराई सचेतनामूलक ¥याली, साथसाथमा केही घरमा पुगेर आफ्ना बालबालिकालाई विद्यालय भर्ना गराउनुहोस् भनी आग्रह पनि गरिएको संस्थाका उपाध्यक्ष विष्णु चालिसेले जानकारी दिए ।
हरिपुर – सर्लाहीको हरिपुरमा रहेको ग्रामीण नारी उत्थान संघको २८ औँ वार्षिक साधारण सभा आज (शनिवार) उद्घाटन गरिएको छ ।
कोरोना संक्रमणले गर्दा आधा सदस्यहरु मात्रै उपस्थित गराई साधारण सभाको उद्घाटन गरिएको संस्थाका उपाध्यक्ष विष्णु चालिसेले जानकारी दिए । आफ्नै सभा हलमा संस्थाकी अध्यक्ष गोमा न्यौपानेको अध्यक्षता एवं हरिपुर नगरपालिकाका मेयर जमिरुदिन मन्सुरको प्रमुख आतिथ्यतामा साधारण सभाको उद्घाटन गरिएको हो ।
उद्घाटन समारोहमा संविधान सभाका सदस्य रामचन्द्र चौधरी, विभिन्न वडाका जनप्रतिनिधि र अन्य सरोकारवालाहरु सहभागी भएका थिए । बाँकी शेयर सदस्यहरुलाई आइतवार सहभागी गराई सभाको समापन गरिने उपाध्यक्ष चालिसेले बताए ।
सामाजिक सेवाको क्षेत्रमा सक्रिय जिल्लाकै प्रमुख यस संस्थाले अघिल्लो आर्थिक वर्षमा ३ करोड २ लाख ५८ हजार ३ सय ९० रुपैयाँ ९४ पैँसा बराबरको कारोवार गरेको छ ।
बयलवास – सर्लाहीको ईश्वरपुर नगरपालिका–१३, मा रहेको प्राथमिक विद्यालय बाहुन टोलमा वुधवार नमूना बाल विकास केन्द्र भवनको शिलान्यास गरिएको छ ।
समुन्नति कार्यक्रम अन्तर्गत सेभ द चिडे«नको आर्थिक सहयोगमा ग्रामीण नारी उत्थान संघ हरिपुरले निर्माण गर्न लागेको भवनको नगर प्रमुख मनोजकुमार देवकोटाले शिलान्यास गरेका हुन् । नमूना बाल विकास केन्द्र भवन निर्माणका लागि १५ लाख ९२ हजार ८४२ रुपैयाँ बजेट विनियोजन गरिएको छ।
दुई महिनाभित्रै भवन निर्माण गरेर हस्तान्तरण गर्ने लक्ष्य रहेको छ । भवन शिलान्यास कार्यक्रममा नगर उपप्रमुख एकावती देवी चौधरी, ईश्वरपुर नगरपालिका–१३ का वडाध्यक्ष रामकरण महतो, विद्यालय व्यवस्थापन समितिका अध्यक्ष गोपाल बम्जन, विद्यालयकी प्रधानाध्यापक सखिला महतो, संस्थाका उपाध्यक्ष विष्णु चालिसे, सचिव सूर्य चालिसे, विद्यालयका शिक्षक, अभिभावक, विद्यार्थीलगायतको उपस्थिति रहेको थियो ।
संस्थाले यसअघि नेपाल राष्ट्रिय जनता मावि ईश्वरपुर–१२, नारायण प्रावि ईश्वरपुर–६, सागरनाथ मावि ईश्वरपुर–४ र जनशक्ति प्रावि ईश्वरपुर–१० मा बालबालिकाहरुलाई शैक्षिक तथा खेलकुदका सामग्रीसहित सुविधा सम्पन्न नमूना बाल विकास केन्द्र भवन निर्माण भइसकेको छ ।
Source:
पर्सा – सर्लाहीको दक्षिण–पूर्वी भेगमा पर्ने सीमावर्ती पर्सा गाउँपालिकामा सोमवार अपाङ्गता समावेशी सहायता कक्षा उदघाटन भएको छ ।
जसबाट अपांगता भएका व्यक्तिहरुलाई पालिकास्तरबाट प्रदान गर्ने सेवामा सहज पहँुच पुग्नुका साथै छिटो छरितो हुने नेपाल अपाङ्ग सघं सर्लाहीका अध्यक्ष वीरेन्द्र रायले बताए । पर्सा गाउँपालिकाका अध्यक्ष किशुनदेव रायको अध्यक्षता तथा ग्रामीण नारी उत्थान संघ हरिपुरका उपाध्यक्ष विष्णु प्रसाद चालिसेको प्रमुख आतिथ्यता, नेपाल अपाङ्ग संघका जिल्ला अध्यक्ष विरेन्द्र रायको विशिष्ठ आतिथ्यता र एस.एन.भि. नेपालकी जिल्ला संयोजक अम्बिका यादवको आतिथ्यतामा कक्षको उदघाटन गरिएको हो ।
उक्त अपाङ्गता सहायता कक्ष संचालनका लागी पर्सा गाउँपालिकाले आवश्यक बजेट विनियोजन गरी सहज तथा छिटो छरितो तरिकाले काम गर्न सहयोग गर्ने अध्यक्ष रायले प्रतिवद्धता व्यक्त गरेका छन् । यसअघि चन्द्रनगर, रामनगर, कौडेना र पर्सा गाउँपालिकामा पनि अपाङ्गता समावेशी सहायता कक्ष उदघाटन गरी संचालनमा आएको छ ।
उक्त कक्ष निमार्ण तथा संचालन एस.एन.नि. नेपाल/ग्रामीण नारी उत्थान संघ, हरिपुरको प्राविधिक सहयोग गरिएको छ ।
हरिपुर – “आफूँ बँचौ र अरुलाई पनि बचाँऔ”, “कोरोना विरुद्ध सामुदायिक अभियान” भन्ने नाराका साथ सर्लाहीको हरिपुर र ईश्वरपुर नगरपालिकालाई आइतवार ग्रामीण नारी उत्थान संघले स्वास्थ्य सामग्री प्रदान गरेको छ ।
कोरोना भाइरसको सङ्क्रमणलाई मध्यनजर गरी सेभ द चिड्रेनले संस्थालाई उपलब्ध गराएको स्वास्थ्य सामग्री दुईवटा पालिकालाई हस्तान्तरण गरिएको हो । दुवै पालिकालाई एक–एक थान अक्सिजन कन्सन्टे«टर, अस्पतालमा ७–७ थान बेड बनाउन पुग्ने सामग्री, २५० थान भिटिएम, र ५०५ थान ग्लोब्स प्रदान गरिएको ग्रामीण नारी उत्थान संघ हरिपुरले जनाएको छ ।
हरिपुर नगरपालिकामा संस्थाकी अध्यक्ष गोमादेवी न्यौपाने, उपाध्यक्ष विष्णु चालिसे र संस्थाका फिल्ड अफिसर बिजय कुशवाहाले मेयर जमिरुद्धिन मन्सुर, उपमेयर रेणुका काफ्ले, स्वास्थ्य शाखा संयोजक बिकाउ महतोलाई स्वास्थ्य सामग्री प्रदान गरेका हुन् । यस्तै, ईश्वरपुरमा फिल्ड अफिसर कुशवाहाले स्वास्थ्य शाखा संयोजक सुगेन्द्र महतोलाई स्वास्थ्य सामग्री प्रदान गरेका संस्थाले जनाएको छ ।
Source
मलंगवा – सर्लाहीका विभिन्न आइसोलेसन सेन्टरहरुका लागि आइतवार (आज) सहयोगी सामग्री प्रदान गरिएको छ ।
कोभिड–१९ प्रतिकार्य नवीनतम प्रयासको लागि डिएफआइडी अष्टे«लिया, वाटर फर ओमेन, एसएनभी नेपालको आर्थिक सहयोग तथा ग्रामीण नारी उत्थान संघ हरिपुरको सहजीकरणमा जिल्लाका चारवटा आइसोलेसन सेन्टरहरुका लागि कन्ट्याकलेस अर्थात हातको प्रयोग नै नगरी खुट्टाले चलाउन मिल्ने सामग्री प्रदान गरिएको हो ।
सदरमुकाम मलंगवामा आइतवार एक कार्यक्रमका बीच जिल्ला कोभिड संकट व्यवस्थापन केन्द्र (डीसीसीएमसी) लाई उक्त सामग्री हस्तान्तरण गरिएको छ ।
प्रमुख जिल्ला अधिकारी रामकुमार महतोको अध्यक्षता तथा जिल्ला समन्वय समितिका प्रमुख मेथुर चौधरीको प्रमुख आतिथ्यतामा आयोजित सहयोगी सामग्री हस्तान्तरण कार्यक्रममा सहायक प्रमुख जिल्ला अधिकारी भूमिश्वर पोखरेल, प्रहरी उपरीक्षक सन्तोष सिंह राठौर, सशस्त्र प्रहरी उपरीक्षक गंगाराम श्रेष्ठ, राष्ट्रिय अनुसन्धानका जिल्ला प्रमुख दीलिप कुमार सिंह, जिल्ला जनस्वास्थ्य कार्यालयका प्रमुख डा. नवल किशोर झा र सहयोगी संघसंस्थाका प्रतिनिधिहरु सहभागी हुनुभएको थियो ।
Source :
http://shorturl.at/wLMRS
ईश्वरपुर – सर्लाहीको ईश्वरपुरमा सोमवार तीन वटा विद्यालय र एउटा स्वास्थ्य चौकीको संरचना निर्माण गरेर हस्तान्तरण गरिएको छ ।
सेभ द चिडे«नको सहयोगमा ग्रामीण नारी उत्थान संघ हरिपुरले ती संरचनाहरु ह्याण्डओभर गरेको हो ।
ईश्वरपुर नगरपालिका–९ मा रहेको ईश्वरपुर बेला माध्यमिक विद्यालय रामनगर मनहर्वामा हातधुने स्थलसहितको तीन युनिट बाल मैत्री खानेपानी र ९ हजार लिटर क्षमताको ओभरहेड ट्यांकी निर्माण गरेर हस्तान्तरण गरिएको छ । ५ लाख ९८ हजार ३०७ रुपैयाँ ६९ पैसामा उक्त संरचना तयार पारिएको छ ।
यस्तै, जनशक्ति प्राथमिक विद्यालय बेला ईश्वरपुर १० मा १७ लाख ९२ हजार ८६२ रुपैयाँ २० पैसामा नमूना बाल विकास भवन र पर्खाल निर्माण गरेर विद्यालयलाई प्रदान गरिएको छ । त्यस्तै, वीरेन्द्र प्राथमिक विद्यालय रामनगर ईश्वरपुर ९ मा २ लाख ५७ हजार ९९५ रुपैयाँ ४८ पैसा लागतमा कक्षा कोठा भवन मर्मत संभार गरिएको छ ।
त्यसैगरी, जनता प्राथमिक विद्यालय पोखरी टोलमा ४ लाख ८१ हजार ४०८ रुपैयाँ ६५ पैसा लागतमा बाल विकास भवन मर्मत संभार गरी सार्वजनिक सुनुवाई गरिएको संस्थाका उपाध्यक्ष विष्णु चालिसेले उज्यालो अभियानकर्मी जनार्जन खत्रीसँग बताए ।
यसैबीच, बेला स्वास्थ्य चौकी ईश्वरपुर नगरपालिका–१० मा ९२ हजार ७९८ रुपैयाँ ८१ पैसामा हातधुने स्थलसहित एक युनिट खानेपानी हस्तान्तरण गरिएको छ ।
Source :
http://shorturl.at/eipwF
ग्रामीण नारी उत्थान संघले वर्षभरी संचालन गरेका कार्यक्रमहरुको मंगलवार वार्षिक समिक्षा गरेको छ ।
संस्थाकी अध्यक्ष गोमादेवी न्यौपानेको अध्यक्षता तथा हरिपुर नगरपालिकाका मेयर जमिरुद्धिन मन्सुरको प्रमुख आतिथ्यतामा संस्थाका पदाधिकारी, कर्मचारी, संचारकर्मी र अन्य सरोकारवालाहरुको उपस्थितिमा वार्षिक समिक्षा बैठक सम्पन्न गरिएको हो । संस्थाले अहिले सेभ द चिडे«न र एसएनभी नेपालसँगको साझेदारीमा जिल्लाका विभिन्न पालिकाहरुमा कार्यक्रम संचालन गरेको छ ।
हरिपुर र ईश्वरपुर नगरपालिकामा सेभसँगको सहकार्यमा बाल संरक्षण, शिक्षा, स्वास्थ्य र आयआर्जनको क्षेत्रमा काम गर्दै आइरहेको छ । यस्तै, एसएनभी नेपालसँगको साझेदारीमा दक्षिणी भेगका पर्सा, कौडेना, चन्द्रनगर र रामनगर गाउँपालिकामा स्वच्छता, सरसफाई, खानेपानी र अहिलेको महामारी कोरोना संक्रमण नियन्त्रणका लागि काम गर्दै आइरहेको छ ।
हरेक वर्ष झैँ सरोकारवारवालाहरुलाई उपस्थित गराई यस आर्थिक वर्षको गत साउन १ गतेदेखि अहिले असार मसान्तसम्म संचालन गरिएका कार्यक्रमहरुको समिक्षा गरिएको छ ।