सर्लाही । सर्लाहीको हरिपुर र ईश्वरपुर नगरपालिकामा ग्रामीण नारी उत्थान संघले सेभ द चिल्ड्रेनको साझेदारीमा सञ्चालन गरेको ‘सिडा संकल्प परियोजना’ २०२४ नोभेम्बर १५ मा समापन हुँदैछ । २०२२ मा सुरु भएको यो परियोजनाले बाल अधिकार, स्वास्थ्य, र सामाजिक सशक्तीकरणका क्षेत्रमा महत्त्वपूर्ण योगदान पु¥याएको छ ।

आज आयोजित परियोजनाले गरेका कामको बारेमा जानकारी दिने कार्यक्रममा परियोजनाको उपलब्धि र प्रगतिबारे सरोकारवालाहरूलाई जानकारी गराइएको छ ।

कार्यक्रमको अध्यक्षता संस्थाकी अध्यक्ष गोमा देवी नेउपानेले गर्नुभएको थियो भने प्रमुख अतिथिका रूपमा जिल्ला समन्वय समितिका उपसभापति जितेन्द्र कुसवाहा उपस्थित हुनुहुन्थ्यो ।

कार्यक्रममा हरिपुर नगरपालिकाकी उपप्रमुख निलम देवी राया, जिल्ला समन्वय अधिकारी कमलबहादुर कार्की, सरकारी निकायका प्रतिनिधिहरू र स्थानीय जनप्रतिनिधिहरूको उपस्थिति थियो।

परियोजनाका प्रमुख धिरेन्द्र चौधरीका अनुसार परियोजनाको अवधिमा ९५ लाख २५ हजार ७३१ रुपैयाँ खर्च गरिएको छ। यसले हरिपुर र ईश्वरपुर नगरपालिकामा नीतिगत सुधार, किशोर–किशोरीका लागि यौन तथा प्रजनन स्वास्थ्यसम्बन्धी नीति निमाणमा सहजीकरण, र बाल अधिकार प्रवर्द्धनमा उल्लेखनीय प्रगति गरेको छ ।

संस्थाका उपाध्यक्ष विष्णु चालिसेका अनुसार परियोजनाले ३६ वटा बाल क्लबको स्थापना गरेको छ भने २ वटा नगरस्तरीय बाल समेत बनाउन र दर्ता गर्न सफल भयको छ ।

संस्थाको ५ वर्षे रणनीतिक योजना निर्माणमा सहयोग गरेको परियोजनाले संस्थागत विकास योजना तर्जुमा समेत २०२६ संमको लागी नीमाण गरेको छ ।
संस्थाका सचिव सुर्य चालिसेले बाल क्लब र सञ्जालले बालविवाह, लागुऔषध दुरुपयोग, र स्थानीय समस्याहरू समाधान गर्न तालीम तथा मार्गदर्शन प्रदान गरेको जानकारी दिनुु भयो लपरियोजनाको समापनपछि यसले सुरु गरेका कार्यहरूलाई निरन्तरता दिन अब स्थानीय तहको दायित्व हुने उपसभापति जितेन्द्र कुसुवाले बताउनुु भयो ।

उहाँले परियोजनाले सामाजिक क्षेत्रमा पु¥याएको योगदानको प्रशंसा गर्दै स्थानीय तहले यस्ता कार्यक्रमलाई निरन्तरता दिनुपर्नेमा जोड दिनुभयो ।

सिडा संकल्प परियोजना ले बाल अधिकार र सामाजिक सशक्तीकरणका क्षेत्रमा महत्त्वपूर्ण काम गर्दै सर्लाहीका दुुई पालिकाका समुदायहरूलाई सशक्त बनाएको स्थानीयहरूले प्रतिक्रिया दिएका छन्।
थप सामग्री : https://ehimalayatimes.com/2024/11/282329/

हरिपुरस्थित ग्रामीण नारी उत्थान संघ (RWUA) को वार्षिक समीक्षा बैठक सम्पन्न भएको छ। संस्थाकी अध्यक्ष गोमादेवी न्यौपानेको अध्यक्षतामा र जिल्ला समन्वय समितिका प्रमुख कौशलकिशोर सिंहको प्रमुख आतिथ्यतामा सम्पन्न बैठकमा विभिन्न सरकारी र गैरसरकारी निकायका प्रमुख व्यक्तित्वहरूको उपस्थिति थियो।

बैठकमा संविधानसभा सदस्य रामचन्द्र चौधरी, जिल्ला समन्वय समितिका उपप्रमुख जितेन्द्र महतो, जिल्ला समन्वय अधिकारी कमलबहादुर कार्की, हरिपुर नगरपालिकाकी उपप्रमुख निलमदेवी राय यादव, नागरिक समाज सर्लाहीका महासचिव शिवचन्द्र चौधरीलगायतले मन्तव्य व्यक्त गरेका थिए। बैठकमा RWUA को वार्षिक प्रगति विवरण प्रस्तुत गर्दै, संस्था सचिव सूर्य चालिसे र कार्यकारी निर्देशक डा. कमलबहादुर थिङले संस्थाको वित्तीय वर्ष २०८०/८१ को उपलब्धि र कार्यक्रमहरूको बारेमा जानकारी गराएका थिए।

RWUA ले सेभ द चिल्ड्रेनको आर्थिक सहयोगमा सञ्चालित समुन्नति परियोजनाको प्रगति विवरण पनि प्रस्तुत गर्यो, जसमा ६ करोड ३१ लाख ८३ हजार दुई सय ९२ रुपैयाँ बराबरको कार्यक्रम सञ्चालन भएको थियो। साथै, अन्य परियोजनाहरू जस्तै शिडा, सिएफएम, पहुँच तथा ग्राउण्ड्सवेल कार्यक्रमहरूको वित्तीय विवरण र प्रगति पनि प्रस्तुत गरियो।

बैठकमा सहभागीहरूले संस्थाले गरेको कामको सराहना गर्दै आगामी दिनमा अझ प्रभावकारी ढंगले कार्यक्रम सञ्चालन गर्न सुझाव दिएका थिए। संविधानसभा सदस्य रामचन्द्र चौधरीले RWUA ले समाजमा पुर्‍याएको सकारात्मक प्रभावको प्रशंसा गर्दै, सिएफएम परियोजनाले समाजमा प्रत्यक्ष लाभ पुर्‍याएको बताउनुभयो।

RWUA का कार्यहरू थोरै बजेटमा पनि प्रभावकारी ढंगले सम्पन्न भएको भन्दै, जिल्ला समन्वय समितिका प्रमुख कौशलकिशोर सिंहले अन्य संस्थाहरूले पनि RWUA बाट सिक्नुपर्ने आवश्यकता औंल्याउनुभयो।

सर्लाही, लालबन्दीमा तरकारी खेतीलाई व्यावसायिक रूपमा अघि बढाइएको छ। यस क्षेत्रका किसानहरूको जीविकोपार्जनको मुख्य आधार तरकारी खेती नै हो। पछिल्लो समय यहाँका किसानहरूले जैविक तरकारी खेतीलाई प्राथमिकता दिएका छन्। लालबन्दी वडा नं. १०, ११, र १२ का किसानहरूले हरिपुरस्थित ग्रामीण नारी उत्थान संघको सहयोगमा जैविक विधिबाट तरकारी खेती गर्दै आएका छन्। यो कार्यक्रम लालबन्दी नगरपालिकाको सहकार्यमा ग्राउन्ड्सवेलको सहयोगमा संचालित छ।

लालबन्दीका नगरप्रमुख वासुदेव अधिकारी, उपप्रमुख कल्पनामाया पाख्रिन, प्रमुख प्रशासकीय अधिकृत वसन्त न्यौपाने, ग्राउन्ड्सवेलका दक्षिण एसियाली प्रमुख नवराज उपाध्याय, ग्रामीण नारी उत्थान संघकी अध्यक्ष गोमादेवी न्यौपाने, उपाध्यक्ष विष्णु चालिसे, सचिव सूर्य चालिसे, वडाध्यक्षहरू र सञ्चारकर्मीलगायतको टोलीले किसानहरूको जैविक तरकारी खेतीको अनुगमन गरेका छन्।

अनुगमनका क्रममा हिरापुर महिला समूहकी सचिव पवित्राकुमारी दंगालले अर्गानिक तरिकाले खेती गरे पनि बजारमा विषादी प्रयोग गरिएका तरकारीसँग प्रतिस्पर्धा गर्न कठिन भएको बताइन्। उपभोक्ताहरूले चिल्लो र आकर्षक देखिने तरकारीलाई प्राथमिकता दिने भएकाले अर्गानिक तरकारीको बजार राम्रो नभएको उनको गुनासो थियो।

महिला सुधार बचत समूहकी सचिव मिना विश्वकर्माले जैविक मल उत्पादन गर्न गाईभैंसीको गोबर आवश्यक भएको बताउँदै, संस्थाले बाख्राहरू मात्र उपलब्ध गराएकाले गोबरको लागि अन्यत्र जानुपर्ने बाध्यता रहेको बताइन्। उनले संस्थाबाट प्राप्त बाख्राहरूले दैनिक जीवनयापनमा सहयोग पुर्याएको पनि उल्लेख गरिन्।

नगरप्रमुख वासुदेव अधिकारीले किसानहरूको समस्या समाधान गर्न लालबन्दी बजारलाई व्यवस्थित गर्दै जैविक तरकारीको लागि छुट्टै व्यवस्था गर्ने योजना रहेको बताए। साथै, उपभोक्ताहरूलाई अर्गानिक र विषादीयुक्त तरकारीको बीचमा फरक छुट्याउन सहजीकरण गर्ने कार्यक्रमको पनि योजना रहेको जानकारी दिए।

थप जानकारीका लागि: यहाँ क्लिक गर्नुहोस्

हरिपुर–सर्लाहीको हरिपुुरमा “बालविवाह, जबरजस्ती विवाह, कम उमेरमा हुने विवाह’’ अन्त्यका लागि पत्रकारहरु सगँ संवाद कार्यक्रम सम्पन्न गरिएको छ ।

शनिबार सेभ द चिल्ड्रेनको सहयोग तथा ग्रामीण नारी उत्थान संघ हरिपुरको आयोजनामा एक दिने सर्लाहीका पत्रकारहरूसँग सहकार्यको लागि सम्वाद गरिएको हो । सी.एफ.एम. परियोजना अन्तर्गत कार्यक्रम सम्पन्न गरिएको ग्रामीण नारी उत्थान संघ हरिपुरले जनाएको छ ।

कार्यक्रममा प्रमुख सहजकर्ताको रुपमा नेपाल पत्रकार महासंघका पुर्व केन्द्रिय अध्यक्ष एवं राष्ट्रिय समाचार समिति(रासस)का कार्यकारी अध्यक्ष धर्मेन्द्र झाले सहभागि जिल्लाका स्थानीय पत्रकारहरुलाई सहजिकरण गरेका थिए । उनले सञ्चारकर्मीहरूले बालविवाह, जबरजस्ती विवाहको बारेमा खोजमूलक समाचारलाई आफ्नो सञ्चार माध्यमहरुमा स्थान दिनुपर्ने बताए ।

बालविवाह जस्तो कुरीतिलाई समाजका सबै तह तप्का मिलेर नियन्त्रण गर्नु पर्नेमा उन्ले जोड समेत दिए । “बालविवाह, जबरजस्ती विवाह, कम उमेरमा हुने विवाह’’ समस्या समाधानको लागि पत्रकारको भुमिका अहम हुने बताए । समाजको उत्तरदावित्व बोकेर निरन्तर समाजमा पुगेर लेख्ने र बोल्ने पत्रकार मात्र सहि माईनेमा पत्रकार हुने समेत उन्ले दावी गरे ।

पत्रकारीतामा पछिल्लो मिहेनतको अभाव तथा क्षमताको कमीका कारण यस्ता विषय ओझेलमा परेको प्रशिक्षक झाको भनाई थियो । पत्रकार भएर बस्न र पत्रकारिता गर्न दैनिक नयाँ कुराको खोजी गर्न अध्ययनको आवश्यकता पर्ने बताए। पछिल्लो समय पत्रकारमा अध्ययन खड्किएकोले गर्दा यस पेसाबाट पलायन हुने अवस्था आएको बताउनु भएको छ।

कार्यक्रममा ग्रामीण नारी उत्थान संघ हरिपुरका अध्यक्ष गोमा देवी न्यौपाने, उपाध्यक्ष विष्णु चालिसे, सचिव सूर्य प्रसाद चालिसे, नेपाल पत्रकार महासंघका सर्लाही शाखाका अध्यक्ष टंक क्षेत्री, पूर्व अध्यक्ष शंखर श्रेष्ठ, विश्वनाथ ठाकुर लगायत ३५ जना सञ्चारकर्मीहरुको उपस्थिति रहेको थियो ।

https://www.pahilokhoj.com/2024/07/%e0%a4%ac%e0%a4%be%e0%a4%b2%e0%a4%b5%e0%a4%bf%e0%a4%b5%e0%a4%be%e0%a4%b9-%e0%a4%85%e0%a4%a8%e0%a5%8d%e0%a4%a4%e0%a5%8d%e0%a4%af%e0%a4%95%e0%a4%be-%e0%a4%b2%e0%a4%be%e0%a4%97%e0%a4%bf-%e0%a4%aa/

https://ujyaaloabhiyan.com/2024/07/29/%e0%a4%b5%e0%a4%bf%e0%a4%a6%e0%a5%8d%e0%a4%b5%e0%a4%be%e0%a4%a8-%e0%a4%ae%e0%a4%be%e0%a4%a8%e0%a4%bf%e0%a4%a8%e0%a5%87-%e0%a4%aa%e0%a4%a4%e0%a5%8d%e0%a4%b0%e0%a4%95%e0%a4%be%e0%a4%b0%e0%a4%b9%e0%a4%b0/

हरिपुर – सर्लाहीको हरिपुरमा रहेको गैर–सरकारी संस्था ग्रामीण नारी उत्थान संघको शुक्रबार वार्षिक संस्थागत सामाजिक लेखा परीक्षण कार्यक्रम सम्पन्न भएको छ ।

संस्थाकी अध्यक्ष गोमादेवी न्यौपानेको अध्यक्षता तथा हरिपुर नगरपालिकाका मेयर गोपाल पन्जियारको प्रमुख आतिथ्यतामा लालबन्दीस्थित एभरेष्ट होटलमा सामाजिक लेखा परीक्षण (सोसल अडीट) गरिएको हो । कार्यक्रममा हरिपुर नगरपालिकाकी उपप्रमुख निलमदेवी राय यादव, ईश्वरपुर नगरपालिकाकी उपप्रमुख रन्जितादेवी चौधरी, विभिन्न वडाका वडाध्यक्ष, हरिपुरका प्रमुख प्रशासकीय अधिकृत कमलबहादुर कार्की, हरिपुर र ईश्वरपुर नगरपालिकाका विभिन्न विषयगत शाखाका प्रमुख, अन्य कर्मचारी, विद्यालयका शिक्षक, बाल क्लबका पदाधिकारीलगायत सहभागी भएका थिए ।

कार्यक्रममा संस्थाले आगामी कार्ययोजना तथा रणनीति निर्माण गर्न अतिथि तथा सहभागीबाट सल्लाह, सुझाव लिने काम गरेको संस्थाका उपाध्यक्ष विष्णुप्रसाद चालिसेले जानकारी दिए ।

हरिपुर – सर्लाहीको हरिपुरमा रहेको ग्रामीण नारी उत्थान संघका पदाधिकारी र कर्मचारीलाई यौनिक तथा लैङ्गिक अल्पसंख्यक सम्वन्धि २ दिने तालिम प्रदान गरिएको छ ।

संस्थाले आफ्नै आयोजनामा सेभ द चिड्रेनसँग समन्वय गरी आफ्ना पदाधिकारी र कर्मचारीलाई पहिलो पटक यस प्रकारको तालिम प्रदान गरेको हो । संस्थाको आफ्नै सभा हलमा भएको तालिममा सहभागीलाई यौनिक तथा लैङ्गिक समुदायकी अभियन्ता भूमिका श्रेष्ठले प्रशिक्षण प्रदान गरिन् ।

यो तालिमपछि ग्रामीण नारी उत्थान संघले संचालन गर्ने परियोजनामा यो समुदायसँग सहकार्य गर्ने विश्वास लिइएको प्रशिक्षक श्रेष्ठले बताईन् । समाजमा यो समुदायबारे भएको बुझाइ, कानून र नीति, समुदायको समस्या र चूनौति, अनुभावलगायत तालिममा प्रस्तुत भएको छ ।

ग्रामीण नारी उत्थान संघका उपाध्यक्ष विष्णु चालिसेले यौनिक तथा लैङ्गिक अल्पसंख्यक समुदायप्रति वास्ता नगरिरहेको स्थितिलाई अब सुधार गर्दै जाने बताए ।

संस्थाकी अध्यक्ष गोमादेवि न्यौपानेले यो समुदायप्रति आफूहरुमा समेत अनेक भ्रम रहेपनि २ दिनको तालिमपछि धेरै कुरा प्रष्ट हुन पाएको बताईन् ।

ग्रामिण नारि उत्थान संघ हरिपुर २ को बार्षिक संस्थागत  लेखा परिक्षण कार्यक्रम  सम्पन्न भएको छ | कार्यक्रममा हरिपुर नगरपालिकाका मेयर गोपाल पजियारको प्रमुख आतिथ्य तथा उप प्रमुख निलम देवी राय  का साथै इश्वरपुर नपा का उप प्रमुख रंजित देवी चौधरी  विभिन्न वडाका वडा अधक्ष्यहरु हरिपुरका प्रमुख प्रशासकीय अधिकृत का साथै इश्वरपुर नगरपालिका का विभिन्न शाखाका अधिकृत अन्य कर्मचारी तथा बिद्यालयका शिक्षक तथा बाल कल्बका पदाधिकारीहरुको सहभागिता रहेको थियो |

https://ujyaaloabhiyan.com/2023/11/10/%e0%a4%97%e0%a5%8d%e0%a4%b0%e0%a4%be%e0%a4%ae%e0%a5%80%e0%a4%a3-%e0%a4%a8%e0%a4%be%e0%a4%b0%e0%a5%80-%e0%a4%89%e0%a4%a4%e0%a5%8d%e0%a4%a5%e0%a4%be%e0%a4%a8-%e0%a4%b8%e0%a4%82%e0%a4%98%e0%a4%95-5/?fbclid=IwAR2uOorslRhFqV-HmKI5SkP2Og4kjzoIqrEp1osg-N1lQGhmqTyY0Bcwm90

सर्लाही,६ भदौ । सर्लाहीको इश्वरपुर नगरपालिकाले बालविवाहमुक्त नगर घोषणा गर्ने अभियान थालेको छ । सेभ द चिल्डे«न र ग्रामीण नारी उत्थान संघको साझेदारीमा सञ्चालित समुन्नति परियोजनाको सहयोगमा इश्वरपुर नगरपालिकाले बालविवाहमुक्त नगर घोषणाको अभियान थालेको हो ।मंगलबार लालबन्दीमा सरोकारवालाहरुसँगको कार्यशाला गोष्ठीमा नगरपालिकाकी उपप्रमुख रञ्जीतादेवी चौधरीले बालअधिकारको बाधकको रुपमा रहेको बालविवाह अन्त्यका लागि इश्वरपुर नगरपालिका प्रतिबद्ध रहेको बताउनुभयो । स्थानीय सरकारले सुरु गरेको यो अभियानमा सबै संघसंस्थाहरुलाई सहयोगका लागि आव्हान गर्नुभयो ।

एक दिवसीय उक्त कार्यशालामा नगरपालिकाका १५ वटै वडाका अध्यक्षहरु, कार्यपालिका सदस्यहरु, विषयगत शाखा प्रमुखहरु, स्थानीय बालअधिकार समिति र वडा बालअधिकार समितिका पदाधिकारीहरु, नगर बालक्लबका पदाधिकारीहरु, न्यायिक समिति सदस्यहरु तथा नगरपालिकामा बालबालिकाको क्षेत्रमा कार्यरत संघसंस्थाका प्रतिनिधिहरुको सहभागिता रहेको थियो । कार्यक्रममा बालअधिकार र बाल संरक्षणसम्बन्धी पालिकामा भएका नीति तथा कार्यक्रमको समीक्षाका गरिनुका साथै र बालविवाह न्यूनीकरणमा कानूनी र नीतिगत पक्षको यसको सम्बन्ध, बाल विवाह सम्बन्धी राष्ट्रिय, प्रादेशिक र स्थानीय स्तरमा भएका व्यवस्थाहरु र इश्वरपुर नगरपालिकामा यसको कार्यन्वयनको अवस्थाको विषयमा छलफल भएको कार्यक्रममा बालविवाह मुक्त ईश्वरपुर नगरपालिका घोषणाका लागी गर्नु गर्ने कार्यहरु बारे समूहगत छलफल गरिएको सेभ द चिल्ड्रेनका झम्केश्वर ओझाले जानकारी दिनुभयो ।

कार्यक्रममा बालविवाहमुक्त वडा घोषणाका लागि आवश्यक प्रक्रियाहरु, सूचकहरु र उक्त कार्यमा पालिकामा रहेका सरोकारवालाहरुको भूमिकाबारे छलफल गरी प्राप्त भएका सुझावका आधारमा बालवविाहमुक्त नगरपालिका घोषणाका लागि रणनीति तय गर्ने योजना शाखा प्रमुख पुष्करमणि घिमिरेले बताउनुभयो । कार्यक्रममा नगरपालिकाले हालसम्म गरेका कार्यहरु र अबका प्राथमिकताबारे उपप्रमुख चौधरी, वडा नं. ८ का अध्यक्ष श्याम बहादुर थापा, वडा नं. १३ का अध्यक्ष तिल बहादुर तामाङ, वडा नं. १२ का अध्यक्ष देवीबहादुर खत्री, वडा नं. ६ का अध्यक्ष महमद रहमान अन्सारी, नगरस्तरीय बालक्लबका अध्यक्ष खुसी परयिार तथा सदस्य रवानी मन्सुरी, बालकल्याण अधिकारी गायत्रीदेवी चौधरी, शिक्षा शाखा प्रमुख हरिप्रसाद दाहाल, योजना प्रमुख शाखा प्रमुख घिमिरे, सामाजिक शाखा प्रमुख सरोजकुमार चौलागाइ, सहयोगी संस्था ग्रामीण नारी उत्थान संघका सचिव सूर्यप्रसाद चालिसे लगायतले आआफ्नो धारणा राखेका थिए ।

अभियान अन्र्तगत हालसम्म बालअधिकार संरक्षण तथा सम्बर्धन कार्यविधि २०७९ स्वीकृत, स्थानीय तथा वडा बालअधिकार समितिहरु गठन, बालक्लब तथा सञ्जालहरु क्रियाशील रहेको, विद्यालय र समूदाय तहमा बालविवाह विरुद्यका सचेतना कार्यक्रमहरु सञ्चालनमा रहेको बताइएको छ । सेभ द चिल्ड्रेनका झम्केश्वर ओझाले बालविवाहमुक्त क्षेत्र घोषणाका लागि आवश्यक नीतिगत व्यवस्था तथा स्थानीय सरकारले गर्नुपर्ने आधारभूत कार्यहरुका विषयमा प्रस्तुतीकरण गर्नुभएको थियो । त्यस्तै कान्ति खड्काले बालसंरक्षण प्रणाली स्थापना र सञ्चालनका विषयमा र परमानन्द मण्डलले बालविवाहले बालबालिकाको स्वास्थ्यमा पार्ने असरबारे प्रस्तुतिकरण गरेका थिए ।

बालविवाहको हिसावले मधेश प्रदेश कर्णाली प्रदेशपछि नेपालकै दोश्रो उच्च जोखिममा रहेको विभिन्न तथ्यांकले देखाएको छ । २०७५ भदौ १ देखि जारी भएको मुलुकी अपराध (संहिता) ऐन, २०७४ को दफा १७३ मा विवाह गर्ने व्यक्तिको उमेर २० वर्ष नपुगी कसैले विवाह गर्न वा गराउन हुँदैन भन्ने व्यवस्था गरी सो को विपरित भएको विवाह स्वतः बदर हुनेछ भन्ने व्यवस्था गरिएको छ । ऐनको उपदफा (३) मा कसुर गर्ने व्यक्तिलाई तीन वर्षसम्म कैद र तीस हजार रुपैंयाँसम्म जरिवाना हुने व्यवस्था छ । नेपालको संविधानको धारा ३९ को उपधारा ५ ले कुनै पनि बालबालिकालाई बालविवाह, गैरकानूनी ओसारपसार र अपहरण गर्न वा बन्धक बनाउन नपाइने गरी बालबालिकाको मौलिक हकको रुपमा स्थापित गरेको छ । मधेश प्रदेश सरकारले बालविवाह अन्त्यका लागि १० वर्षे रणनीतिक योजना स्वीकृत गर्दै प्रत्येक वर्षको वैशाख १७ गतेलाइ बालविवाह विरुद्धको दिवस मनाउने घोषणा गरेको छ । मधेशको पहिलो बालविवाहमुक्त नगरपालिकाको रुपमा सप्तरी जिल्लाको सुरुंगा नगरपालिका यसअघि नै घोषणा भइसकेको छ ।

https://www.deshkoaawaj.com/2023/08/23/82701.html?fbclid=IwAR3a7yzXgsAQwj4qy0TOv3J_vvxgxnRJ2DDsYjG1fnIqtmSX6cIp9_S-M00

लालबन्दीमा आजबाट ग्रामीण नारी उत्थान संघ हरिपुरको आयोजनामा बाल विवाह अन्त्य गर्ने लगायतका विषयमा जेण्डर एण्ड पावर एनलाइसिस वर्कसप सुरु भएको छ ।

पर्सीसम्म चल्ने तालिममा सहभागी संस्थाका कर्मचारी, संचारकर्मीलगायत सहभागी भएका छन् । सहभागीलाई सेभका काठमाठौं, बर्दिवास र जिल्लामै रहेका कर्मचारीले तालिम प्रदान गरिने छ ।

संस्थाकी अध्यक्ष गोमादेवी न्यौपानेको अध्यक्षतामा आयोजित कार्यक्रममा उपाध्यक्ष विष्णु प्रसाद चालिसे, सचिव सूर्य चालिसेलगायतको उपस्थिति रहेको थियो ।

सर्लाहीको हरिपुरस्थित प्राथमिक स्वास्थ्य केन्द्रमा ग्रामीण नारी उत्थान संघको सहयोगमा गरिएका विभिन्न स्तरोन्नति कामका हिजो लेखा परीक्षण गरिएको छ ।

संस्थाले ३ लाख ६४ हजार ४०३ रुपैयाँ ८८ पैसा लागतमा हरिपुर २ स्थित प्राथमिक स्वास्थ्य केन्द्रमा टायल्स बिछ्याउनेलगायतका काम गरी आज सरोकारवालालाई राखेर सबै खर्च सार्वजनिक गर्दै सार्वजनिक लेखा परीक्षण गराएको हो । हरिपुर २ का वडाध्यक्ष निलबिक्रम थापाको अध्यक्षता तथा मेयर गोपाल पजियारको प्रमुख आतिथ्यतामा आयोजित कार्यक्रममा प्राथमिक स्वास्थ्य केन्द्रका इन्चार्ज डा. राकेश ठाकुर, संस्थाका उपाध्यक्ष विष्णु चालिसे, सचिव सूर्यप्रसाद चालिसेलगायतको उपस्थिति रहेको थियो ।

यसैगरी हिजो नै रामलगन माध्यमिक विद्यालय हरिपुर ९ पिडारीमा २ लाख ७८ हजार ३७७ रुपैयाँ २३ पैसा खर्च गरेर बालमैत्री हातधुने तथा पिउने पानी स्थल र बायोस्याण्ड फिल्टर हजार लिटर निर्माण कार्यको सामाजिक लेखा परीक्षण कार्यक्रम समेत सम्पन्न गरिएको छ ।

https://www.radioekata.com.np/news-details/902/2023-06-19?fbclid=IwAR0RCSVq_8g7U9Y4BOE_Am9phhwSZALJTGvykXXf_mwbTnx7P0tKVcJavHw