सर्लाहीको हरिपुरमा ग्रामीण नारी उत्थान संघ र सेभ द चिडे«नको सहयोग तथा हरिपुर नगरपालिकाको समन्वयमा संचालित समुन्नति परियोजना अन्तर्गत हिजो बाल परामर्श कार्यक्रम सम्पन्न भएको छ । महावीर जनता माध्यमिक विद्यालय हरिपुर २ मा महावीर बाल क्लबका १५ जना प्रतिनिधिलाई सहभागी गराई कार्यक्रम गरिएको हो । सोही कार्यक्रममा बाल क्लबद्धारा नियमित मासिक प्रकाशन हुने बाल भित्ते पत्रिका महावीर बाल पोष्टको बैशाख महिनाको अंक प्रकाशन गरिएको छ । आज नै सेभ र विभिन्न साझेदार संस्थाका प्रतिनिधिको उपस्थितिमा हरिपुर नगरपालिका १ हजारबिघामा रहेको जानकीनगर स्वास्थ्य चौकीको किशोरकिशोरी कक्ष अवलोकन, स्वास्थ्य व्यवस्थापन समितिका पदाधिकारी र किशोरीहरुसँग छलफल तथा भौतिक पूर्वाधारको अवस्था अवलोकन पनि गरिएको ग्रामीण नारी उत्थान संघ हरिपुरले जनाएको छ ।
